الـعــشـــــــــــــــــاق
مرحبا بك عزيزي الزائر. المرجوا منك أن تسجل بياناتك لتدخل المنتدى. إن لم يكن لديك حساب بعد, نتشرف بدعوتك للاشتراك معنا فى اسرة منتدى العشاق




 
الرئيسيةس .و .جبحـثالتسجيلدخول

شاطر | 
 

 كيف يجب ان يكون لقاءك الاول بعريسك؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
batman1991
رئيس المنتدى
رئيس المنتدى


ذكر
عدد الرسائل : 1699
العمر : 25
البلد : cairo
المهنه : طالب
احترامك لقوانين المنتدى :
مزاجى :
تاريخ التسجيل : 31/05/2008
نقاط التميز : 552

مُساهمةموضوع: كيف يجب ان يكون لقاءك الاول بعريسك؟؟؟   السبت 25 أبريل - 14:09:02




ازاي تقابلي العريس اول مرة


هناك قاعدة تقول إن "الانطباع الأول يدوم" يعني الفكرة اللي هياخدها عنك
الشاب اللي جاي ده في أول لقاء هيترتب عليها حاجات كتير أوووي نفس الشيء
بالنسبة ليك الفكرة اللي هتاخديها عنه من أول مرة هيترتب عليها حاجات كتير
أوووي
علشان كده عايزك تبقي ناصحة وتقدري بأسلوبك وذكائك وجمالك تتركي انطباع كويس عنك عند الشاب ده حتى لو محصلش نصيب
طبعا هتسألي نفسك وتقولي ازاي ده أنا مكسوفة مووووت ومش عارفة أعمل إيه
وحاسة إني هلخبط الدنيا وعمالة أتصل بصاحباتي وكل واحدة تضحك عليّ ومحدش
قال لي كلمة مفيدة أقدر أستفيد بيها
ماتخافيش.. إحنا دلوقتي هنمشي معاكي خطوة خطوة ونقول لك تعملي إيه





الخطوة الأولى
جهزي نفسك نفسيا ومظهريا

1-

علشان ماتتعبيش نفسك وأعصابك على الفاضي ياريت تشيلي من دماغك فكرة إنك
بضاعة جاي العريس يتفرج عليها لأن دي حاجة مش صح وحطي في دماغك إن ده جاي
يتعرف على البنت اللي ممكن تكون شريكة حياته وإن دي حاجة مش عيب ومفيش
منها أي تقليل من شأنك

2-
حاولي على قد ما تقدري تخلّي أعصابك هادية جدا وتبعدي عن أي مصدر قلق أو
توتر.. علشان التوتر ممكن يبان على وشك واحنا مش عايزين كده احنا عايزين
عروسة زي القمر وياريت كمان قبل الميعاد ده تاخدي دش دافي

3-
بعد كده ادخلي الأوضة عندك وابدأي في اختيار لبسك.. وعلى فكرة النقطة دي
بتحير بنات كتيييير أووووي لأنهم بيحتاورا يلبسوا كلاسيك ولا لبس عادي
بس بيني وبينك ياريت أول مرة دي تلبسي لبسك العادي اللي انتي بتلبسيه وأنت
خارجة.. يعني لو كنت بتلبسي بنطلون وبلوزة البسيهم بس ياريت البنطلون يكون
قماش مش جينز أو لو كنت بتلبسي جوب وبلوزة البسيهم برضه وده علشان يشوفك
على طبيعتك في اللبس وبلاش موضوع إنك تلبسي بدلة لأن دي هتخلي الحكاية
تبقى رسمي أوووي وممكن تبيّنك أكبر من سنك
واوعي تنسي تختاري الألوان اللي تكون مناسبة عليك وتنور وشك


4-
لو كان اللقاء ده هيتم في البيت فياريت ما تلبسيش كعب عالي قوووي وخليك في الكعب اللي 3 سم

5-
ياريت في اليوم ده ما تكتريش في المكياج علشان ما تبقيش عاملة زي
البلياتشو.. وخليك بسيطة جدا في مكياجك يعني كفاية أووي إنك تحطي روج
وترسمي عينيك بالكحل والآي شادو وتحطي ماسكرا وبلاش أحمر خدود لأن طبيعي
جدا إن وشك هيحمر في اليوم ده فمش هتحتاجي لأحمر الخدود لأنه هيكون موجود
طبيعي


6-
خليكي متفائلة وتوقعي الخير علشان تلاقيه خير وتوكلي على الله وفوضي أمرك إليه، وادعي ربنا يوفقك في اللي فيه خير ليكي
أعتقد إنك لو عملتي الحاجات اللي قلنا عليها دي هتكوني فعلا استعديت للقاء ده وتعالي نشوف اللي المفروض تعمليه أثناء اللقاء ده




الخطوة التانية
أثناء اللقاء نفسه

1-
بلاش تشيلي صينية عصير في إيدك وأنت داخلة لأنك ممكن ترتبكي وتوقعيها على
اللي قاعدين.. كفاية قووي إنك تدخلي بابتسامة بسيطة على شفايفك وتسلمي على
كل اللي موجودين وعليه هو كمان.. واقعدي وخليك شاطرة واختاري إنك تقعدي في
الكرسي اللي يكون مواجه له علشان تقدري تشوفيه كويس لأن ده حقك الشرعي
وخليكي واثقة من نفسك وخدي الموضوع ببساطة علشان يعدّي


2-

لو مامته جات معاه ياريت تخلّي بالك منها وبلاش تكشّري في وشها وهي
قاعدة.. خليكي مبتسمة ليها دايما حتى لو قالت حاجة مش عجباك اوعي تردي
عليها رد مش مناسب وكلميها عادي وحاولي تكسبي رضاها وخليكي ذكية وفكري في
كل كلمة قبل ماتقوليها

3-
وأنت قاعدة اتكلمي براحتك من غير تكلف وافتحي مجالات للكلام واسمعيه كويس وهو بيتكلم علشان تقدري تحكمي عليه



4-

لو فيه حاجة تضحك يا ريت ماتضحكيش ضحك بصوت عالي أو ضحك هيستري كفاية قوووي ابتسامة بسيطة على شفايفك

5-
خليكي جريئة ولو وجه لك الكلام ردي عليه بذوق من غير كسوف
*******



كمان خدي بالك أوووي

1-
لو سمحت الظروف وقعدتوا مع بعض ياريت تتكلمي معاه في أمور عادية جدا.. زي
مثلا البرامج اللي بتعجبك في التليفزيون أو عن حاجة تكون حصلت قريب وشدت
انتباهك وابعدي عن الكلام في أي مواضيع تكون مسار جدل زي مثلا الكرة
والأهلي والزمالك.. ولو تطور الكلام بينكم لأي مواضيع فيها جدل خليكي ذكية
وبلاش يكون عندك تحيز في الرأي واسمعي منه وابدي رأيك بأسلوب لطيف من غير
ما تحرجي نفسك أو تحرجيه
واوعي في أول كلام بينكم تسأليه أي أسئلة شخصية أو أسئلة محرجة زي مثلا
إنك تسأليه إذا كان خاطب قبل كده ولا لأ أو مثلا مرتبه كام؟؟ لأن الأسئلة
اللي من النوع ده ما ينفعش تسأليها في أول مقابلة


2-
لو كان اللقاء في مكان عام زي النادي مثلا أو كافيه أو خلال مناسبة ما
فحاولي تقللي من نظراتك حول الأشخاص الموجودين في المكان وركزي في الشخص
نفسه*******

الخطوة الثالثة

بعد انتهاء اللقاء
بعد ما يمشوا عايزاكي تقعدي مع مامتك وتحكي لها على اللي حصل وتفكري معاها
كويس وشوفي إيه اللي قدرتي تطلعي بيه من اللقاء ده.. لأن فيه حاجات حتى لو
بسيطة هتكون بانت قدامك ولو مش قادرة تحكمي كويس ياريت تطلبي لقاء تاني
علشان تقدري تحكمي على أساس صح.. وربنا يوفقك



وعقبال كل بنات المنتدى لما يطبقوا النصائح دى عملى

[/size]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://el-3oshaa.kalamfikalam.com
katoyoka
مشرفة
مشرفة


انثى
عدد الرسائل : 1104
العمر : 28
البلد : عايشه جوه حبيبي وهفضل جواه
المهنه : عاشقه بجنون
احترامك لقوانين المنتدى :
مزاجى :
الاوسمة :
تاريخ التسجيل : 04/03/2009
نقاط التميز : 1867

مُساهمةموضوع: رد: كيف يجب ان يكون لقاءك الاول بعريسك؟؟؟   السبت 25 أبريل - 15:05:17

كلام جامد اوووووووووي بس اليوم ده بحس بيه بخوف رهيب وخصوصالوحد متعرفوش بموت من الخوف بس نصائح بجد صح كلامك ميرسي ليك ع مواضيعك الجامده اوي

_________________
رمضان \اللهم اجعلني فيه من المستغفرين
واجعلني فيه من عبادك الصالحين
واجعلني فيه اولائك المقربين
برافتك يارحم الراحمين
مبارك عليكم الشهر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://el-3oshaa.kalamfikalam.com
angel girl
مشرفة
مشرفة


انثى
عدد الرسائل : 1502
العمر : 23
البلد : Egypt
المهنه : Student
مزاجى :
الاوسمة :
تاريخ التسجيل : 11/09/2008
نقاط التميز : 768

مُساهمةموضوع: رد: كيف يجب ان يكون لقاءك الاول بعريسك؟؟؟   السبت 25 أبريل - 18:57:58

شكرا اوى يا معتز على الموضوع
بجد موضوع جامد و عقبالنا كلنا ان شاء الله
rew

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
kotakemo
مشرفة
مشرفة


انثى
عدد الرسائل : 371
العمر : 25
البلد : cairo
المهنه : طالبة
احترامك لقوانين المنتدى :
مزاجى :
الاوسمة :
تاريخ التسجيل : 10/03/2009
نقاط التميز : 603

مُساهمةموضوع: رد: كيف يجب ان يكون لقاءك الاول بعريسك؟؟؟   الأحد 26 أبريل - 12:20:51

شكرا يا ميزو ع الموضوع الجميل دة بجد موضوع حلو اووووووووووى

_________________
رمضان مبارك ع امة المسلمين جميعا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
NOSHA
عاشق ذهبى
عاشق ذهبى


انثى
عدد الرسائل : 631
العمر : 22
البلد : مصر
المهنه : طالبة
مزاجى :
تاريخ التسجيل : 30/07/2008
نقاط التميز : 85

مُساهمةموضوع: رد: كيف يجب ان يكون لقاءك الاول بعريسك؟؟؟   الأحد 26 أبريل - 14:17:42

شكرا يا معتز على الموضوع الجامد جدا دة
ونصايح حلوة اوى بجد
واهم حاجة فى اليوم دة فعلا الثقة بالنفس وعدم التوتر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
batman1991
رئيس المنتدى
رئيس المنتدى


ذكر
عدد الرسائل : 1699
العمر : 25
البلد : cairo
المهنه : طالب
احترامك لقوانين المنتدى :
مزاجى :
تاريخ التسجيل : 31/05/2008
نقاط التميز : 552

مُساهمةموضوع: رد: كيف يجب ان يكون لقاءك الاول بعريسك؟؟؟   الأحد 26 أبريل - 19:24:30

شكرا ليكوا يا عشاق على الكلام و الردود الجميله دى
وانشاء الله القادم اجمل
cxv
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://el-3oshaa.kalamfikalam.com
beautyangel
عاشق فعال
عاشق فعال


انثى
عدد الرسائل : 190
العمر : 30
البلد : cairo
المهنه : طالبه بدبلومه العلاقات العامه جامعه عين شمس
احترامك لقوانين المنتدى :
مزاجى :
تاريخ التسجيل : 25/04/2009
نقاط التميز : 294

مُساهمةموضوع: رد: كيف يجب ان يكون لقاءك الاول بعريسك؟؟؟   الإثنين 27 أبريل - 11:41:05

شكرا يامعتز على موضوعك
وجاااااااااااااااااااااااااااااارى التنفيذ 999
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
كيف يجب ان يكون لقاءك الاول بعريسك؟؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الـعــشـــــــــــــــــاق :: 
اهلا بالعشاق ومناقشاتهم
 :: بناتxبنات
-
انتقل الى: